Mulleres
que contan

Mulleres que Contan é un proxecto de creación audiovisual comunitaria que recolle as voces, experiencias e memorias das mulleres maiores e migrantes de Galicia, dous colectivos que dedicaron e dedican gran parte da súa vida aos coidados.

A través da construción colectiva dun arquivo audiovisual e dun relato común, o proxecto busca visibilizar o valor dos coidados -como un valor esencial nun presente de conflitos e crise climática–, para repensar a súa distribución e implicar –desde o desexo– a outros membros da familia e da comunidade.

Ademais, Mulleres que Contan responde a unha necesidade crecente de contar con espazos de debate onde colectivizar medos e desexos compartidos en torno á vellez, e onde reflexionar xuntas sobre como queremos coidar e ser coidadas no presente e no futuro.